Седумнаесет члена од Регионалната експертска работна група за почва, учествуваа во студиската посета во Германија во периодот од 27 Ноември до 2 Декември оваа година. Членовите во работната група се претставници од министерствата за земјоделство, министерствата за животна средина како и национални експерти од областа на заштита на почвата и животната средина од Западен Балкан.
Во работата на оваа експертска група и студиска посета учествува и претставник од секретаријатот на Националната рурална мрежа на Република Северна Македонија.
Целта на посетата е да се запознаат членовите на експертската група за почва со германскиот модел на заштита на почвата, мониторингот, активностите поврзани со ремедиација на загадена почва, како и организационата поставеност, научниот и истражувачки пристап кон заштитата на почвата.
Оваа активност беше реализирана со помош и е составен дел од Земјоделскиот политички дијалог Германија-Западен Балкан, финансиски поддржан од Германското Федерално Министерство за храна и земјоделство во координација со ГФА И СВГ како имплементатори.
